Sérkennsla

Í aðalnámskrá leikskóla stendur: „Börn hafa mismundandi getu,reynslu og þroska.  Þau hafa þörf fyrir samneyti við önnur börn.  Leikskólinn á að taka tillit til þarfa hvers einstaks barns svo að það fái notið sín í hópi annarra barna á eigin forsendum“.

Í Teigaseli eru unnið eftir heiltækri skólastefnu ;

• Skóli án aðgreiningar, þ.e. skóli sem mætir þörfum allra barna á þeirra eigin forsendum.
• Áhersla er lögð á getu barnsins, en ekki getuleysi og litið á það sem kost að barnahópurinn sé fjölbreyttur.
• Verkefni og viðfangsefni taka mið af getu hvers og eins, en eru samt krefjandi og gefa möguleika á áframhaldandi þroska.
• Sérkennslan er fléttuð eins og unnt er  inn í daglegt starf leikskólans þannig ð hún verði eðlilegur þáttur af starfseminni.

Sérkennslustjóri heldur utan um öll sérkennslumál í leikskólanum.  Hann útbýr einstaklingsnámskrár og ýmsar áætlanir í samvinnu við deildastjóra og foreldra barnsins. Hann sér einnig um samstarf við foreldra, starfsfólk og vinnur með öðrum sérfræðingum . 

Við höfum verið í samstarfi við Greiningar- og ráðgjafarstöð ríkisins, Svæðisskrifstofu um málefni fatlaðra á vesturlandi og Barna- og unglingageðdeild Landspítalans (BUGL).

Á Akranesi erum við í samstarfi við Birgi Þór Guðmundsson skólasálfræðing í Brekkubæjarskóla, Sigríði Gísladóttur iðjuþjálfa, Elísabetu Kristjánsdóttir sjúkraþjálfara, Elmar Þórðarson talmeinafræðing, Ásthildi Snorradóttur talmeinafræðing og Bergrós Ólafsdóttur talmeinafræðing sem ráðin var á Akranes í 25 % starf fyrir alla leikskóla Akraneskaupstaðar.

Hjúkrunarfræðingur frá Heilsugæslustöð Akraness kemur í leikskólann og tekur 3½ og 5 ára skoðunina hér en læknisskoðunin fer fram á Heilsugæslunni áfram.

Sérkennsla fatlaðra barna fer að jafnaði fram í barnahópnum,  en þegar þörf krefur og í sérstökum verkefnum eru þau tekin út úr hópnum.  Gerðar eru einstaklingsnámskrár fyrir þau börn sem þurfa á sérkennslu að halda þar sem sett eru bæði langtíma- og skammtíma markmið sem stuðst er við í skipulagi sérkennslunnar.

Við höfum tileinkað okkur Tákn með tali, TEECH – vinnuverkefni og málörvunar aðferð Iréne Johansson sem hefur gefist mjög vel börnum með  Downs-heilkenni.  Einnig höfum við unnið markvisst með málörvunarfrávik, þannig að þeim er skipt niður í hópa eftir því hvar þau eru stödd og unnið markvist með þau.

Markmið okkar er að sinna þörfum allra barna á þeirra forsendum, jafnt fatlaðra sem ófatlaðra.