Umhverfisstefna Teigasels

Markmið:

• Að stuðla að vitundarvakningu um umhverfismál hjá starfsfólki og skjólstæðingum leikskólans.
• Að stuðla að því að börnin verði sér meðvituð um náttúruna og læri  að bera virðingu fyrir henni.

Leiðir:

• Draga úr pappírsnotkun.

Vera meðvituð um að nýta pappírinn vel, nota hann t.d. báðum megin.  Endurvinna úrgangspappír.  .

• Flokka pappír eftir því hvort hann er endurvinnanlegur eða ekki.  Bylgjupappír fari í sérstaka ruslatunnu.

Tunna staðsett miðsvæðis í húsinu, þangað skal endurnýtanlegur pappír fara.  Bylgjupappír fer í endurvinnslutunnu.

• Skola mjólkurfernur og setja í endurvinnslutunnu.
• Endurnýta þær umbúðir sem til falla í eldhúsi.Endurnýta poka, t.d. undir óhreina vettlinga.  Dósir, pakka undan ýmsum pakkamat o.s.frv.
• Í eldhúsi skal  flokka plast og málma og setja í endurvinnslutunnu.
• Sjá til þess að skila spilliefnum á viðeigandi staði.

Rafhlöðum safnað saman og skilað í þar til gerðar tunnur t.d. á bensínstöðvum. 

• Velja umhverfisvottaðar vörur þegar þess er auðið.

Á m.a. við um allar pappírsvörur og  hreinlætisvörur.

• Minnka orku- og vatnsnotkun innan leikskólans.

Slökkva ljós í mannlausum herbergjum.  Spara hitunarkostnað með því að hafa ofna ekki of hátt stillta og láta ekki dyr standa opnar að óþörfu, t.d. þegar kalt er í veðri.

• Kaupa vörur og þjónustu frá nærbyggð, þegar það er hægt.

Taka íslenskt fram yfir erlent og reyna að versla heldur í heimabyggð.

• Fara í vettvangsferðir m.a. í þeim tilgangi að vekja eftirtekt barnanna fyrir náttúrunni og sínu nánasta umhverfi.

Útskriftarferð í Skorradal.  Lambaferð að Bjarteyjarsandi. Könnunaraðferðin notuð í náttúruskoðun á sumrin.  Matjurtarækt á svæði Skólagarðanna.

• Hafa einn “hreinsunardag” á ári, t.d. á degi umhverfisins 25. apríl, þar sem starfsfólk og börn hreinsa upp rusl á lóð í og nánasta umhverfi leikskólans.
• Hafa einn “tiltektardag” á ári (t.d. í byrjun júní) með foreldrum og börnum, þar sem við hjálpumst að við að snyrta lóðina.
• Stefnu þessa skal endurskoða á tveggja ára fresti og þá skal jafnframt gerð framkvæmdaáætlun til næstu tveggja ára.